黎到第四日, 司機都係早上10點接我地,潛水的位置係魚眼公園,車程大概是15分鐘左右。落車後,教練就要我地換潛水衫同潛水鞋。今日小班教學,一共同8個人,4名台灣人,4名香港人,所以安排華語教練比我地。教練詳細講解潛水時與教練溝通的手勢,裝備、呼吸方法、水壓時可以舒緩的方法。講解完畢,著上裝備:包括鉛鐡,氧氣筒…………足足七八公斤背上身……都快走不動了。下水前,遇上一陣大雨,不過關島的雨水真係黎得快,去得也快。
背上七八公斤裝備落水走到潛水區,先比我地練習一下係水中呼吸的感覺,確定全部人都適應了就分為兩組,由教練帶我地下潛。由一條繩維繫5個人,而水底拍攝工作亦交比教練,我地只係負責欣賞一下水底各種魚類就夠~
關島水底真係好清,各種熱帶魚係身邊游來游去,真係好興奮﹗難怪人人都話係關島一定要潛水﹗
關島水底真係好清,各種熱帶魚係身邊游來游去,真係好興奮﹗難怪人人都話係關島一定要潛水﹗
半小時的時間真係過得好快,一陣就返上岸了。當上半身一離開水中,負重量直線上升…………步步艱難,加上PINKPINK係前一日原來整傷了腳底,潛水鞋中又比較多沙石,真係痛到入心嫁。不過都玩得好開心,亦認識了新朋友。
返酒店梳洗後,就同新朋友去食LUNCH,酒店旁邊的牙埋加菜係關島十大美食中排名第七,所以一行四人就入去開餐。
食物都幾好食,又傾得好開心。出外遇上新朋友仔都係開心事,感恩中!
食完飯我地就分開行動,因為我地參加出海睇日落,船上Party之旅。坐車去碼頭中,突然發現天邊出現彩虹!!!!!!真係好靚。最特別係…………雙彩虹!!可能當日天氣不穩,時雨時晴,又剛好背對陽光,先比我地遇上。LUCKY!!!
有睇開PINKPINK文章都知道,我真係好愛睇日落嫁,所以今次出海睇日落真係滿足了我最大的願望。日落配彩虹,美不勝收﹗!
沒有留言:
張貼留言