觀塘珠記，你食過未？

早幾日返到觀塘，肚仔餓想食個下午茶，諗黎諗去都唔知食咩好，朋友仔帶路下去左呢間珠記冰室。老實說，如果佢唔放個餐牌係門口，我真係唔知係一間餐廳。坐定定後，睇餐牌就比手打漢堡包吸引左，手打烏冬、手打麵先見過，手打漢堡包我又真係第一次見，所以決定食一食﹗

見餐牌有配特飲，我就二話不說要左個紫薯紅豆，岩哂紫薯粉的我。杯特飲黎到我就即刻開心左，因為佢既紫薯味好香，而且飲落都好濃，無花無假。正！

至於個漢堡，亦都係水準之作，好食，好食，好食！重要事情要說三次！XD 但對於一向細食的我真係好飽，食完呢個餐，晚餐都食唔落。

大家都可以去試下，不過午飯時段特別多人，想坐得舒服D就可以下午茶時段去，享受下！
※※※※※※※※※※※※※※※※※※※※※※※※※※※※※※※※※※※※※※※※※※※※※※※※※※※※

免責聲明:本文章所發表的全部內容均屬個人意見及感受，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或尋求相關專業意見。希望大家喜歡我的分享！歡迎合作，試用及出席活動！ Thanks！

Contact Email：angelalaw1008@gmail.com

IG：Pinkpinklaw