任性關島之旅-第二日 （惡作劇之吻關島取景的教堂）

黎到第二日，訓到自然醒就打算準備出去覓食之時，當然要同大家分享一下酒店房間，房間外面係酒店的泳池，太陽照射黎，再由房望出去，真係一個靚景呀﹗令心情都特別好﹗

其實PINKPINK本身係惡作劇之吻的忠實粉絲，黎到直樹同湘琴蜜月地方關島，當然要去景點朝聖一下了啦﹗第一站當然係”彩虹教堂”，個教堂係PIC酒店入面，正常情況下只比住係PIC的人先可以入內參觀，而我呢個唔係住PIC，又抄小路入去外人，係唔比入去！！！又剛好遇上職員阻止，所以我當然要用一用”撒嬌”，求佢比我影張相！真係得來不易！！

真係劇目的畫面都出哂黎……有同感嘛？

拜訪完教堂，就繼續出發去沙灘。提一提大家，關島的沙灘看似這麼近，其實係……那麼遠的。如果你唔係住可以落到沙灘的酒店，要搵沙灘的入口真係要花點時間，不過你去沙灘就會忘記行過黎的辛苦。登登登登﹗杜夢灣沙灘！！！！

陽光燦爛，水清沙幼，海風輕吹，真係美景！係水中漫步，真係浪漫到極點嫁！！！！

沿住沙灘向前走，會發現有一些好靚的花，外內淡粉紅色內圍係白色，係我影相期間有一位外籍婦人同我地解釋呢種叫咩花，花名真係唔識，但佢話呢種係關島特有，而且並不常見到的花，非常靚！！仲有種比較常見到既花係全紅色既都好靚

係沙灘行完，就轉戰商場。係關島比較出名既商場：DFS，GPO同KMARK。DFS主要都係名牌區，各種化妝品同時尚品牌都盡在其中！女士們可以盡情購物。

離開了DFS，就坐車到了KMART，一個 超大的SUPERMARKET，大到嚇親人﹗行完一圈無咩買就食午餐填肚，就去GPO。

GPO係OUTLET區，仲有當地比便宜的品牌。一日之內將兩個商場行完，攰呀﹗

係關島交通可方便可不方便，商場的SHUTTLE BUS 都可以互通，但如果錯過了要等30MINS。如果坐巴士其實又唔化算，坐幾分鐘車程就要4美金又有點兒那個……朋友們可以自由選擇

GPO的價格比較便宜，而且都可以搵到戰利品，PINKPINK就買左一對涼鞋，一個NINE WEST的背包，同係FOVEVER 21 買左條裙，全部都係50%OFF嫁，有咩理由唔買？女士們行街真係快樂不知時日過，係GPO簡單買左野食就坐9點SHUTTLE就回酒店開餐（最後一班車係9 點）。

第三日將跟ONEDAY TOUR去COCOS ISLAND 玩一日。

歡迎合作，試用及出席活動！ Thanks！

Contact Email：angelalaw1008@gmail.com