率真·任性·自由的女孩－Pinkpink: 任性關島之旅-第三日(可可斯島）

約好了司機10點會在酒店門口接我地去碼頭，前往COCOS ISLAND。COCOS ISLAND （可可斯島）係南部，坐車過去都要一小時，不過沿途風景都好美，不經不覺就到。

到了碼頭落了車，就坐船去島了，大概是10分鐘就到目的地。島上水上活動非常豐富，包括浮潛、水上摩托車或是拖曳傘等等水上活動。聽說這個島並無與旅行社合作，所以比較少人去，如果要去就要透過當地導遊或是係酒店櫃台預約。不得不說，呢到四處都係靚景，真係無話可說呀！

聽導遊講解完，知道離島時間後就換上泳衣，把行李鎖在儲物櫃後去玩LU！這裡的海水非常乾淨，透視度相當不錯，水底每兩步都可以見到有海參，真係要小心行，一不小心就同作佢地有了身體接觸……果種觸感真係會一試難忘呀！！

關島的陽光真係令人又愛又恨，陽光照射在海上，閃閃發光的令著迷，但如果在陽光下太久，自己又會糟糕的！！！！！不過難得黎到，就同陽光玩遊戲⋯⋯⋯⋯⋯⋯一陣吧～哈哈

我地一整個下午都在沙灘上過，悠悠閒閒地，並無參加任何水上活動，但就去找尋星之沙﹗星之沙剛好在島的另一邊，而且並不像沙灘咁易行，比人一種真係孤島的感覺。

係岸上找尋星之沙，真係確實存在，同真係好細粒，你地比心機搵下吧！！哈哈

就這樣HEA過左個大半日，準備去4點坐船回程。呢個時候PINKPINK發現好似所有島上的員工都收拾行李一齊上船⋯⋯⋯⋯⋯⋯佢地收工！！！！真係不禁諗⋯⋯香港時間先2點咋，岩岩食完午餐又再準備開工時間，你地就收工了。回程船上見到剛好有一隻海龜游過，可惜來不及影相

坐車回程的司機送左膠4個芒果比我地，個司機已經59歲了，未婚，he said it is hard to find girlfriend, 哈哈！！黎左幾日都覺得其實呢度的人都幾好，司機仲提醒最近有小偷要小心，有講有笑又一程車。

返到酒店梳洗一下，就落街食晚餐，呢晚我地黎到關島十大美食中排名第四的TONY ROMA’S TUMON ，剛好餐廳在酒店樓下，就試一試有幾好食。入到餐廳，出現左個奇怪情況……就係餐廳大半顧客都係日本人，其實都唔大驚小怪，因為你黎到關島你會發現大部分的遊客都係日本人同韓國人，你會遇到日本人的機率同身處日本一樣…………總有一個係左近！！！所以所有野都有日文翻譯，連餐廳侍應都會有日本人。言歸正傳，晚餐叫了個肋骨配雞扒，一個PASTA，2杯飲料，不得不說真係幾好食！！而且份量都好多，真係好飽。